مہر خبررساں ایجنسی کی رپورٹ کے مطابق اسرائیل کی جارحیت کے بعد ایران کے جوابی میزائل حملے نے اسرائیل کے ایک انتہائی خفیہ فوجی و انٹیلیجنس مرکز کا راز فاش کردیا۔
تحقیقی ویب سائٹ گرے زون نے انکشاف کیا ہے کہ یہ مرکز، جسے "سائٹ 81" کے نام سے جانا جاتا ہے، تل ابیب کے مصروف رہائشی علاقے میں واقع داوینچی ٹاور کے نیچے قائم ہے۔
رپورٹ کے مطابق، یہ زیرزمین تنصیب امریکی و اسرائیلی افواج کے درمیان مشترکہ کمانڈ اور انٹیلیجنس کنٹرول کا مرکز ہے، جسے تقریباً 6000 مربع میٹر پر محیط ایک خفیہ منصوبے کے تحت تعمیر کیا گیا۔ حملے کے بعد اسرائیلی حکام نے فوری طور پر علاقے کو سیکیورٹی حصار میں لے لیا اور میڈیا کو نقصان کی کوریج سے روک دیا۔
گرے زون نے مزید دعوی کیا ہے کہ "سائٹ 81" کا تعلق اسرائیل کے پرانے کمانڈ سینٹر "دی پِٹ" سے ہے، جسے بعد میں "قلعہ صہیون" میں تبدیل کیا گیا۔
المیادین کے مطابق، یہ انکشافات ایسے وقت میں سامنے آئے ہیں جب اسرائیل پر شہری علاقوں میں فوجی تنصیبات قائم کرنے کے الزامات بڑھتے جا رہے ہیں، حالانکہ وہ خود مخالفین پر انسانی ڈھال استعمال کرنے کا الزام لگاتا ہے۔
آپ کا تبصرہ